Япония Жей Лигасида тўп сурадиган ўзбекистонлик ягона футболчи Фозил Мусаев мавсумдаги учинчи голини уришга муваффақ бўлди.
Осиё Чемпионлар Лигаси иштирокчиси ҳисобланган «Урава Ред» клубини қабул қилган Фозил Мусаев жамоадошлари 1:1 ҳисобига имзо чекди. Ўзбекистонлик футболчи ўз голи билан клубига 1 очко олиб берди.
26-турдан сўнг «Жубило Ивата» Япония Жей Лигасида олтинчи жамоа бўлиб турибди. Мусаевнинг шартномаси 2+1 кўринишида тузилгани инобатга олинса, у келаси мавсумни ҳам Японияда ўтказиши аниқ.
Япония Жей Лигаси 26-тур учрашуви 16 сентябрь, шанба
«Жубило Ивата» — «Урава Ред Даймондс» 1:1
Голлар: Фозил Мусаев, 21 (1:0). Шинзо Короки, 79 (1:1).
Ўзбекистон миллий терма жамоасининг собиқ бош мураббийи Самвел Бабаян Фозил Мусаевга бир неча бор таклиф юборганига қарамай, уни майдонга туширмади. Мусаевнинг, айниқса, Эрон ва Кореяга қарши ўйинларда иштирок этмагани ўзбекистонлик журналистлар томонидан танқид қилинди. Боиси, Мусаев Эрон чемпионатида муваффақиятли ўйнаган ва форс футболини яхши билади, унинг Япония чемпионатидаги тажрибаси эса Кореяга қарши ўйинда қўл келиши мумкин эди.
Изоҳ (0)