Россия ва Япония ўртасида ҳозиргача тинчлик шартномаси тузилмагани бемаъниликдан бўлак нарса эмас. Япония бош вазири Синдзо Абэ шундай фикр билдирди, дея хабар беради «Газета.ru».
«Уруш тугаганидан бери 70 йилдан кўпроқ вақт ўтди. Шу пайтгача икки давлат ўртасида тинчлик шартномаси тузилмагани ғайритабиий ҳолат. Биз тарихий музокаралар олиб боряпмиз, уларнинг якуни бўйича икки томон учун ҳам мақбул бўлган ечим топишимизга умид қиламан», — деди Абэ.
Бош вазирга кўра, тинчлик шартномаси мавжуд эмаслиги Россия ва Япония муносабатларидаги имкониятлар юзага чиқмаслигига сабаб бўлмоқда.
Изоҳ (0)