Колумбиядаги энг қудратли Clan del Golfо наркокартели аъзолари мамлакат ҳуқуқ-тартибот идораларига таслим бўлишга тайёрлигини маълум қилди. Бу ҳақда мамлакат президенти Хуан Мануэль Сантос маълум қилди, дея хабар беради Cоlombianо нашри.
«3 сентябрь, якшанба куни почта орқали гуруҳ етакчисидан таслим бўлиш истаги билдирилган мактуб олдик. Даиро Антонио Усуга картелнинг барча аъзолари судлов олдида жавоб беришга тайёрлигини маълум қилган. Адлия вазирлиги ва прокуратурага вазиятни баҳолашни топширдим», — таъкидлади Хуан Мануэль Сантос.
Сантосга кўра, мазкур наркокартель аъзолари сони бўйича мамлакатдаги иккинчи жиноий ташкилот бўлган. Биринчиси эса олдинроқ расмийлар билан сулҳ тузган Колумбия инқилобий қуролли кучлари саналар эди.
Изоҳ (0)