Қозоғистон Республикаси президенти Нурсултон Назарбоевнинг набираси Айсултан Назарбоев ўзининг Facebook’даги саҳифасида гиёҳвандликка қай тарзда дуч келганини очиқ ҳикоя қилиб берди, деб хабар берди «KNews.kg».
«Яратганга шукрки, мен энг катта қадамни қўйдим — барчасини бобомга айтдим. Агарда бошқа президент бўлганида бу каби вазиятда муаммони яширишга ҳаракат қилган ёки ундан юз ўгирган бўлар эди. Аммо Нурсултон Назарбоев эмас. Қон жиҳатдан бобо бу руҳий жиҳатдан ҳақиқий ота демакдир. У биринчи навбатда ‘Ростгўй эканлигинг яхши. Касаллик оғир, бироқ сен биринчи ҳам, охирги ҳам эмассан. Уни енгишга сенинг кучинг етади’ деди», — дея ўзининг саҳифасига ёзади Айсултан Назарбоев.
Айсултаннинг тан олишича, у бобоси академик Мухтор Алиевнинг ўлимидан, шу билан бирга отаси Рахат Алиев Австриядаги қамоқхонада ўз жонига қасд қилганидан сўнг гиёҳвандликка ружу қўйган.
«Ҳаёт биринчи бор менга бу қадар куч билан икки марта зарба берди. Бахтга кўмилган Айсултан сайёрадаги энг эзилган одамга айланиб қолди. Ўша вақтда бу каби юракни ўртовчи оғриқни сезмаслик учун қўл-оёқсиз қолишга ҳам тайёр эдим. Мен учун ўзимга қарши кечган бу жанг энг қийин кураш бўлди: таслим бўлиш, хотиржамлик ва тинчгина ўлиш ёки иродамни тўплаб яшаш учун курашиш ва хурсандчиликда умр кечириш. Ҳақиқий ички жиҳод. Яхшиямки, ёруғлик ҳар доим зулматни енгиб чиқади», — деб ёзади Айсултан Назарбоев.
Изоҳ (0)