Ўзбекистон мобил алоқа операторлари мамлакатдаги, хусусан, ўзи раҳбарлик қилаётган алоқа оператори томонидан тақдим этилаётган интернет хизматлари нархи қиммат эканини тан олди. «Билайн-Ўзбекистон» раҳбари Дмитрий Шуков ва Ucell бошлиғи Тону Грюнберг бу ҳақда Халқаро пресс-клубнинг 16 август куни бўлиб ўтган анжуманида фикр билдирди.
«Билайн-Ўзбекистон» раҳбарининг фикрича, интернет тарифлари нархлари масаласида 2017 йил охирида жиддий ўзгаришлар юз беради.
Ҳа, Ўзбекистонда интернетга уланиш нархлари ҳозирча қиммат. Бу фақат тарифларни ўрнатадиган операторларга тааллуқли муаммо эмас, бу — комплекс даражадаги муаммо ва уни ҳал қилиш учун худди шу даражада ёндашув талаб этилади.Ucell компанияси бош директори Тону Грюнбергнинг қайд этишича, тарифлар арзонлашиши учун дастлаб соҳани ривожлантириш мақсадида катта инвестициялар киритмоқ зарур.Биз ҳозирда бу масала устида фаол иш олиб боряпмиз ва, умид қиламанки, йил охирига бориб жиддий ўзгаришлар юз беради. Яъни, интернет нисбатан хамёнбоп бўлади — бу аниқ.
Дмитрий Шуков, «Билайн-Ўзбекистон» бош директори
Ўзбекистондаги интернет тарифлари жуда ҳам қиммат эмас, лекин нархларни паст ҳам деб бўлмайди, албатта. Бизда ҳозирча техник имкониятлар чекланган — катта миқдорда трафикни қабул қила оладиган сиғимлар бизда йўқ.Биз учинчи, тўртинчи авлод алоқа тизимларини ривожлантиришимиз, бунга катта инвестициялар керак. Бу ишлар амалга оширилганидан сўнг, мегабайтлар нархи автоматик равишда тушади. Тез орада шундай бўлади ҳам. Бунга эришиш учун, тахминимча, яна бир-икки йилча вақт қолди.
Тону Грюнберг, Ucell бош директори
Изоҳ (0)