Ўзбекистон энг тез мобил интернетга эга мамлакартлар рейтингида икки ўринга, интернет тармоғига юқори тезликда стационар уланиш имконияти бўлган мамлакатлар рўйхатида саккизта ўрин пастлади. Бу ҳақда Спеедтест Глобал Индех ҳисоботига таяниб, «Коммерсантъ.uz» хабар берди.
Рейтингда Ўзбекистон мобил нтернет бўйича 106-ўринда турибди. Унга кўра, интернетнинг юклаш тезлиги 9,11 Мбит/с ва маълумот узатиш тезлиги 3,52 Мбит/с ҳисобланади.
МДҲ давлатлари орасида мобил интернет тезлиги бўйича Қирғизистон (83), Қозоғистон (65), Озарбайжон (62), Арманистон (54) Ўзбекистондан олдига чиқиб кетган.
Рейтингда биринчи ўринни Норвегия (52,59 Мбит/с) эгаллаб турибди. Нидерландия 46,94 Мбит/с билан иккинчи ўринга кўтарилган. 46.24 Мбит/с тезликка эга Венгрия учинчи ўриндан жой олган.
Стационар интернет тезлиги бўйича Ўзбекистон 126-ўринда бўлиб, юклаш тезлиги 5,38 Мбит/с, узатиш тезлиги эса 5.2 Мбит/с ҳисобланади.
Изоҳ (0)