Бугун,

  • USD 11095.31
  • RUB 173.84
  • EUR 10772.44

16 август куни Ўзбекистон ҳукумат делегацияси таркибида Бишкекка ташриф буюрган ташқи ишлар вазири Абдулазиз Комилов қирғизистонлик ҳамкасби Эрлан Абдилдаев билан учрашди. Бу ҳақда ТИВ матбуот хизмати хабар берди.

Фото: ТИВ

Фото: ТИВ

Суҳбат чоғида икки томонлама муносабатларнинг ҳозиги ҳолати ва истиқболлари, 2016 йил декабрь ойида Самарқанд шаҳрида ва 2017 йил июнь ойида Остона шаҳрида олий даражадаги учрашув ва музокаралар доирасида эришилган келишувларни амалга ошириш жараёни муҳокама қилинди.

Ўзбекистон бош вазири Абдулла Арипов ва Қирғизистон бош вазири Сооронбай Жээнбеков раислигида Бишкек шаҳрида бўлиб ўтган икки томонлама ҳамкорлик бўйича ва давлат чегарасини делимитация ва демаркация қилиш бўйича Ўзбекистон–Қирғизистон ҳукуматлараро комиссиялари мажлисларининг самарали якунлари вазирлар томонидан юқори баҳоланди.

Ҳукумат раҳбарлари учрашувларда янгича динамика касб этган ўзаро манфаатли савдо-иқтисодий ҳамкорликни фаол ривожлантириш ҳамда транспорт, қишлоқ ва сув хўжалиги, энергетика, маданият, соғлиқни сақлаш, таълим, илм-фан, туризм соҳаларида алоқаларни чуқурлаштиришга келишиб олди.

Ташқи сиёсат идоралари раҳбарлари олий даражада бўлиб ўтадиган ташрифнинг санаси ва кун тартиби юзасидан фикр алмашди.

Абдулазиз Комилов Эрлан Абдилдаевни жорий йилнинг ноябрь ойида Самарқанд шаҳрида БМТ шафелигида Ўзбекистон томонидан ўтказиладиган Марказий Осиёда хавфсизлик ва барқарор ривожланишни таъминлаш бўйича халқаро конференция ишида иштирок этишга расман таклиф этди.

Изоҳ
Асосий янгиликлар
Шоу-бизнес
Ғуломжон Ёқубовнинг созандасига турмушга чиққан, 32 ёшида “халқ артисти”га айланган Гулсанам Мамазоитова 42 ёшда
Саломатлик
Шамоллаш, милк касалликлари, стресс: давоси сабзавот ва мевалар бўлган яна 6 касаллик 
Маҳаллий
Қашқадарёдаги мавжуд ер майдонларининг 2,5 млн гектари Узкад тизимига киритилгани маълум бўлди