Яшнободда Истанбулга чипта учун 9 млн сўм олган фирибгарга нисбатан жиноий иш қўзғалди

Яшнобод тумани ҳудудида жойлашган «Авиакасса»дан самолётга чипта олиб беришни ваъда қилган шахс қўлга олинди. Бу ҳақда «Дарё»га ИИВ Ҳуқуқбузарликлар профилактикаси бош бошқармаси хабар берди.

2017 йилнинг март ойида Авиасозлар-2 даҳасида жойлашган «Авиакасса» олдида 1987 йилда туғилган, Чилонота кўчасида яшовчи Я.Н., 1977 йилда туғилган, Учтепа тумани, Қашқарий кўчасида яшовчи Б.Н.га Туркиянинг Истанбул шаҳрига самолётга чипта олиб беришни ваъда қилади. Бироқ унинг 9 000 000 сўм пулини олиб, ўз эҳтиёжи учун ишлатиб юборади.

Яшнобод туман ИИБ томонидан фуқаро Я.Н.га нисбатан Ўзбекистон Республикаси ЖКнинг 168-моддаси, 1-қисми билан жиноят иши кўзғатилди.