LG’дан OLED-телевизор олтинчи йилдан бери Европа аудио ва видеотехника бўйича журналлар ассоциациясининг (EISA) ўз қурилмалари туркумида энг яхшиси, деб тан олинмоқда.
Бу йил LG’дан жуда ингичка OLED-телевизор (OLED 65E7 модели) «EISA энг яхши OLED-телевизори 2017—2018» мукофотини ажойиб тасвир сифати ва кенг кўриш бурчаклари сабаб қўлга киритди.
EISA ҳайъати бу премиум-даражадаги телевизорни HDR 10 ва DolbyVision (SM) шаклларини қўллаб-қувватлаши учун ҳам алоҳида қайд этди, фойдаланувчилар улар туфайли кинотеатр даражасидаги сифатли товушдан баҳраманд бўлишлари мумкин.
LG’дан бошқа бир маҳсулот — SUPERUHD-телевизор (55SJ850V модели) рангнинг аниқлиги ва тўйинганлиги ҳамда LG’дан NanoCell (SМ) технологиясидан фойдаланилган ҳолда кенг кўриш бурчаги, шунингдек, фойдаланувчига тушунарли бўлган webOS 3.5 интерфейси учун «EISA энг яхши LCD-телевизори 2017—2018» совринини қўлга киритди. Бундан ташқари, у ActiveHDR шаклини қўллаб-қувватлаши мумкин, бу эса тасвирни экранга исталган бурчакдан қаралганда қулайлик билан кўриш имконини мақбуллаштиради.
Шунингдек, LG саундбари (модель SJ9) «EISA энг яхши саундбари 2017—2018» совринини қўлга киритди. Бунга сабаб — унинг дизайни жуда ноёб ва товуш чиқариши жуда аниқ, бунга DolbyAtmos технологияси туфайли эришилган. Ушбу технология товушни исталган уч ўлчовли бўшлиқда чиқариш имконини беради (ҳатто тингловчининг боши устида ҳам), бунда ҳақиқатга жуда ҳам яқин товуш муҳити яратилади.
«LG компанияси EISA соврини ҳайъатига уйдаги кўнгилочар тизимлар учун OLED-технологиясини ривожлантиришдаги муваффақиятларимизни навбатдаги бора тан олгани учун миннатдорлик билдиради, — дейди LG Home Entertainment компанияси президенти Брайан Квон. — Бизнинг OLED-телевизорлар келажакда ҳам премиум-даражадаги қурилмалар бозорида илғор технологиялардан фойдаланганлиги, ажойиб тасвир сифати ва дизайни учун совринлар олувчи маҳсулотлар сифатида етакчи мавқейини сақлаб қолади».
EISA’нинг нуфузли совринлари ҳар йили Европанинг 20 дан ортиқ давлати, АҚШ ва Австралиядан бўлган аудио ҳамда видеотехника бўйича таниқли журналлар муҳаррирларидан ташкил топган ҳайъат томонидан ҳар йили топширилади. Маҳсулотлар қатор мезонлар асосида баҳоланади, улар орасида фойдаланилаётган технологиялар, дизайн ва инновациялар бор.
Ташриф буюрувчилар LG’дан энг янги OLED-телевизорлар ҳамда аудио тизимларга компаниянинг «МессеБерлин» кўргазма марказидаги 18-рақамли залда 1—6- сентябрь кунлари шахсан баҳо бериши мумкин.
Реклама ҳуқуқи асосида
Изоҳ (0)