Том Круз «Уддалаб бўлмас топшириқ — 6» фильмини суратга олиш жараёнида жароҳат олди

Том Круз «Уддалаб бўлмас топшириқ — 6» фильмини суратга олиш жараёнида сакрашни амалга ошираётганида жароҳат олди. Бу ҳақда «Газета.ru» хабар бермоқда.

Актёр декорациядан яқин атрофдаги бинога сакрамоқчи бўлди, бироқ масофани нотўғри ҳисоблагани туфайли деворга бориб урилди.

Крузнинг жароҳати нечоғли жиддий эканлигига аниқлик киритилмаган.

Маълумот учун, олдинроқ ОАВда Том Круз «Уддалаб бўлмас топшириқ» фильмининг 6-қисмида суратга тушишни бошлагани ва унда аввалги қисмлардаги барча каскадёрлик трюкларидан ўзиб кетишни мўлжаллагани ҳақида хабар берилганди.