Фотогалерея: Мавсум сўнгида ишсиз қолган 10 нафар мураббий янги таклифлар учун очиқ

Европа ички чемпионатларида мавсум якунига етгач, бир қатор таниқли мутахассислар ишсиз қолди. Айни пайтда улар янги таклифларга маҳтал бўлиб турибди.

Қуйида мана шундай мураббийлардан 10 нафари келтириб ўтилган. Ҳозирча уларга кўнгилларидагидек таклиф билан чиқилганича йўқ.

Паулу Соуза

«Фиорентина»ни мавсумга бошқа мураббий тайёрлайди. Европа лигасига йўлланмани қўлга кирита олмаган Соуза эса ўзига янги клуб излайди.

Клод Пюэль

«Саутгемптон» билан АПЛда иштирок этган мутахассиснинг натижалари қониқарли бўлмади. Энди у ҳам ишсиз.

Хави Гарсия

Қозоннинг «Рубин» клубида фаолият олиб борган мураббий Россиядан чиқиб кетди. У Европанинг бошқа клубларидан ёғли таклиф кутиш билан банд.

Мирча Луческу

«Шахтёр»ни ажойиб клубга айлантира олгани билан машҳур бўлган руминиялик мураббийнинг «Зенит»даги фаолияти узоқ бўлмади. Аниқроғи, Санкт-Петербург клуби тепасига келган собиқ раҳбарият Луческуга чиқиш эшикларини кўрсатиб қўйди.

Дэвид Мойес

Шотландиялик мутахассиснинг истеъфолари тез-тез қулоққа чалинадиган бўлиб қолди. «Эвертон»ни «Юнайтед»га алмаштирган мураббий, кейинроқ «Реал Сосьедад» ва «Сандерленд» клублари билан ҳам хайрлашди. «Сандерленд»ни АПЛдан тушириб юборган мутахассис кимга керак бўлишини вақт кўрсатади.

Вальтер Маццари

«Уотфорд»га таклиф этилган италиялик мутахассис АПЛда Раньери, Конте, Анчелотти каби фаолият олиб бора олмади. Шу боисдан у тинчгина Италиясига қайтиб кетди.

Свен-Йоран Эрикссон

Хитойнинг «Шенжчен» клубида айланиб юрган мураббий Чин билан хайрлашди.

Сэм Эллардайс

«Кристал Пэлас»ни АПЛда олиб қолиш миссиясини муваффақиятли бажарганига қарамай, катта Сэм кутилмаганда ариза ёзди. У кўп муддат ишсиз қолиб кетмаса керак.

Томас Тухель

Германиялик мураббий «Боруссия Дортмунд» клубини Юрген Клоппдан сўнг у қадар ёмон бошқармади. Шунчаки сўнгги мавсумдаги 3-ўрин ва Чемпионлар лигасидаги «Монако»дан мағлубиятларни раҳбарият бироз қаттиқроқ олиб юборди.

Луис Энрике

Истеъфога чиққан мураббийлар орасида сўзсиз энг машҳури. «Барселона»дан кетган мутахассисни кимдир қабул қилармикин?