Ўзбекистонда сув таъминоти газ ва энергия таъминотидан сўнг ягона биллинг тизимига ўтмоқда. Бу ҳақда 12 июнь куни Тошкент шаҳрида бўлиб ўтган пресс-конференцияда маълум қилинди, деб хабар берди Norma.
Уй-жой ва коммунал хизматлар соҳасини ривожлантириш энг муҳим вазифалардан бири ҳисобланади. Хизматлар учун замонавий бўлмаган тўловлар ҳамда қарздорликни кузатишнинг самарасиз усуллари коммунал тизимнинг янгиланишига халақит бермоқда. Натижада ҳамма — бошқарув компаниялари, таъминотчи ташкилотлар, аҳоли ҳамда бизнес ютқизмоқда. Ягона биллинг тизимининг жорий қилиниши ушбу муаммоларни ҳал этишга қаратилган.
«Коммунхизмат» агентлигининг дастурчиси Абдуғани Абдураимовнинг таъкидлашича, автоматик тарзда ҳисоблаш ва тўловни амалга ошириш анчадан бери амалда. Бироқ улар ягона тизимга бирлаштирилмаган эди. Жорий йил давомида сув таъминоти ҳамда канализация биллинг тизимига ўтказилади. Ҳозирда биллинг тизимига Тошкент шаҳри, Тошкент ҳамда Хоразм вилояти уланган. Сурхондарё вилоятининг тизимга уланиши 1 июнь куни якунланади, 2017 йил охирига қадар барча вилоятларнинг уланиши режалаштирилмоқда.
Хизмат ўз ичига ижара ҳақини, коммунал хизматлар тўловини, квитансиялар нусхасини чоп этишни, хизматлар тўловини банк карталари ёрдамида амалга оширишни олади.
Изоҳ (0)