ЖЧ—2018 саралашининг 8-турида Сурия ва Хитой термалари 2:2 ҳисобида дуранг ўйнади. Малайзияда ўтган учрашувда суриялик футболчилар 90-дақиқада жаримадан урилган гол сабаб мағлубиятдан қутулиб қолди.
Томонларнинг Хитойда ўтган биринчи учрашувида Сурия 1:0 ҳисобида зафар қучганди. 8-турдан кейин Сурия ҳисобида 9 очко бор, Марчелло Липпи бошчилик қилаётган хитойликлар эса 6 очко тўплаган.
Самвел Бабаян устозлик қилаётган Ўзбекистон миллий терма жамоаси кеча Эрондан мағлуб бўлгани инобатга олинса, Сурия ва Хитой ўйинидаги дуранг айнан ўзбекистонликлар фойдасига ишлади дейиш мумкин.
Тошкент вақти билан тунги 00:00 да Қатар ҳамда Жанубий Корея термалари ўртасидаги беллашув старт олади.
Маълумот учун, 9-турни Ўзбекистон терма жамоаси 31 август куни сафарда Хитойга қарши ўтказади. Шу куни Сурия Малайзияда Қатар термасини қабул қилади.
ЖЧ—2018. Саралаш «А» гуруҳи. 8-тур 13 июнь, сешанба
Сурия — Хитой 2:2
Голлар: Маҳмуд Ал-Мавас, 12 (1:0). Гао Лин, 68-пен (1:1). Ву Кси, 75 (1:2). Аҳмад Ас-Солиҳ, 90 (2:2).
Изоҳ (0)