Евро—2016 кашфиётларидан бири бўлган Исландия термаси ЖЧ—2018 саралашида Хорватияни мағлуб этиб, гуруҳ етакчи билан тенглашиб олди. Ўйиндаги ягона гол 90-дақиқага келиб киритилди.
Исландия ортда қолган олти турнинг фақатгина 1 тасида — Загребда Хорватияга имкониятни бой берганди. Шунингдек улар илк турда Киевда дуранг ўйнаган. Қолган барча учрашувларда викинглар ғалаба нашидасини суришга муваффақ бўлган.
Мазкур турда Украина ва Туркия терма жамоалари ҳам 3 очкога эга чиқди. Турклар Косовада йирик ғалабага эришган бўлса, Украина Тампере шаҳрида ғолиб бўлди.
Саралаш гуруҳлари орасида 6-турдан кейин энг қизиқарли вазият айнан «I» гуруҳида бўлиб турибди. Бу зонада бир эмас, тўрт мамлакат Россия мундиали учун имкониятларини сақлаб турибди.
ЖЧ—2018. Саралаш «I» гуруҳи. 6-тур 11 июнь, якшанба
Финляндия — Украина 1:2
Голлар: Евгений Коноплянка, 51 (0:1). Йоэль Похянпало, 72 (1:1). Артём Беседин, 75 (1:2).Исландия — Хорватия 1:0
Гол: Хордур Магнуссон, 90 (1:0).Косова — Туркия 1:4
Голлар: Вулқон Шен, 7 (0:1). Амир Рраҳмоний, 22 (1:1). Женгиз Юндер, 31 (1:2). Бурак Йилмаз, 61 (1:3). Ўзан Тўфон, 82 (1:4).Четлатиш: Бернард Бериша, 83 (К).
Изоҳ (0)