Япония парламенти 9 июнь, жума куни император Акихитога тахтдан воз кечиш имконини берувчи қонун қабул қилди. Бу ҳақда Reuters агентлиги хабар берди.
Mеросхўр шаҳзода Нарухито келгуси йилнинг охирида мамлакат императорига айланиши мумкин.
83 ёшли Акихито аввалроқ юрагида операцияни бошдан кечирган ва ошқозоности бези саратони хасталигидан даволанган. Император ўтган йилги чиқишларида унинг ёши ўз мажбуриятларини бажаришига тўсқинлик қилиши мумкинлигидан хавотирда эканлигини маълум қилди.
Япония бош вазири Синдзо Абэ ушбу қонуннинг қабул қилиниши мамлакат тарихидаги муҳим тарихий ҳодиса эканлигини маълум қилди.