Бирор шаҳар ёки давлат билан танишиш унинг аэропортидаги ғаройиб таассуротлардан бошланиши жуда ёқимли. Аэропорт шаҳар ёки давлатларнинг ташриф қоғозига айланади.
AdMe саёҳатчиларни ҳайратга солувчи ана шундай аэропортлар ҳақида ҳикоя қилади.
Ашхобод шаҳри халқаро аэропорти (Туркманистон)
Парвоз қилаётган бургут шаклида барпо этилган Ашхободнинг янги аэропорти нафақат мамлакатнинг диққатга сазовор жойига айланди, балки Гиннеснинг Рекордлар китобига ҳам кирди.
Абу-Даби халқаро аэропорти (БАА)
Ташқи кўриниши билан сузаётган кемани эслатувчи аэропорт Абу-Даби ва Дубай шаҳарлари оралиғида жойлашган ва бу ҳашаматли шаҳарлар муҳитига жуда мос тушади.
Лион-Сент-Экзюпери халқаро аэропорти (Лион, Франция)
Лион аэропортига шу шаҳарда яшаб ўтган дунёга машҳур француз ёзувчиси ва профессионал учувчи Антуан де Сент-Экзюпери номи берилган.
Марокаш-Минора аэропорти (Марокаш)
Дунёнинг энг чиройли аэропортларидан бири ҳисобланиб, унинг ноёб лойиҳаси Европа технологиялари ва Марокаш маданияти анъаналарини уйғунлаштирган.
Инчхон халқаро аэропорти (Жанубий Корея)
Дунёнинг энг йирик аэропортларидан бири ҳар йили (2005 йилдан буён) Халқаро аэропортлар кенгаши томонидан дунёнинг энг яхши аэропорти деб топилади.
Шэньчжэнь Баоань аэропорти (Шэньчжэнь, Хитой)
Марварид дарёси дельтаси шарқий соҳилида жойлашган ва йўловчилар ва юк ташиш тармоғи учун денгиз портлари билан туташган Хитойнинг ягона халқаро аэропорти ҳисобланади.
Вашингтон Даллес халқаро аэропорти (Вашингтон, АҚШ)
Аэропорт Дуайт Эйзенхауэр маъмуриятидаги АҚШ давлат котиби Жон Фостер Даллес шарафига номланган.
Жон Кеннеди номидаги халқаро аэропорт (ТWА терминалининг эски биноси), (Нью-Йорк, АҚШ)
Мазкур аэропорт парвознинг абстракт рамзини акс эттиради. Бино дунёдаги энг оригинал аэропорт биноларидан бири ҳисобланади. Унинг ичкариси ташқи кўринишидан ҳам ноодатий. Унинг аниқ девор ва чегаралар йўқ.
Шоуду халқаро аэропорти, Терминал 3, (Пекин, Хитой)
Хитойнинг биринчи аэропорти. Бино контурлари аждар шаклини эслатади, кутиш зали эса қишки боғ билан безатилган. Аэропорт Хитойнинг фахри ва мамлакат маданиятининг ўзига хос музейи ҳисобланади.
Дэнвер халқаро аэропорти (АҚШ)
Аэропорт нафақат ташқи кўриниши, балки у ҳақида тарқалган миш-мишлар билан ҳам эътиборни жалб этади. Аэропорт қурилишида жуда катта миқдордаги тупроқ олиб чиқиб кетилган (Панама канали қурилишида шунча тупроқ қазиб олинган). Бу эса кўпчиликда аэропорт остида фойдаланилмайдиган улкан бино борлиги ҳақидаги фикрларни юзага келтиради.
Кансай халқаро аэропорти (Япония)
Аэропорт сунъий оролда барпо этилган. Уни қуруқлик билан боғлаш учун «Осмон дарвозаси» кўприги қурилган бўлиб, унинг узунлиги 3,75 километрни ташкил этади. Кансай ХХ аср муҳандислик мўъжизаларидан бири ҳисобланади.
Дубай халқаро аэропорти (БАА)
БААнинг энг йирик фуқаролик аэропорти йўловчиларни палмаларнинг ҳақиқий ўрмони билан кутиб олади. 1-терминалда ухлаш учун ўнта кабина бўлиб, уларнинг ҳар бирида каравот, юқори тезликдаги интернет ва катта телевизор мавжуд.
Лос-Анжелес халқаро аэропорти (АҚШ)
Мазкур аэропорт энг йирик халқаро аэропортлардан бири ҳисобланади.
Сан-Франциско халқаро аэропорти (АҚШ)
Аэропорт терминалларида музей ва кутубхоналар жойлашган, кутиш залида эса санъат буюмларининг вақтинчалик ёки доимий кўргазмалари бўлиб ўтади.
Самуи халқаро аэропорти (Таиланд)
Самуи аэропорти сувенир дўконидан ташқари ички биноларга эга эмас. У йилига миллиондан ортиқ йўловчига хизмат кўрсатади.
Изоҳ (0)