Халқаро космик станциянинг икки аъзосини олиб келаётган «Союз МС-03» космик кемасининг тушувчи аппарати Қозоғистонда қўнди. Бу ҳақда, парвозларни бошқариш марказига таяниб, «ТАСС» хабар бермоқда.
Ерга россиялик космонавт Олег Новицкий ва европалик астронавт Тома Песке қайтди. Улар орбитага 2016 йил 17 ноябрида чиққан эди. Уларнинг орбитада бўлиш давомийлиги 197 суткани ташкил қилди.
ХКСда россиялик космонавт Фёдор Юрчихин, шунингдек, америкалик астронавтлар Жек Фишер ва Пегги Уитсон қолди. Уитсон ХКСга Новицкий ва Песке билан бирга келган эди, аммо шу йил баҳоридан Россия экипажининг қисқариши ва «Союз МС-04» кемасида бўш жой пайдо бўлиши муносабати билан унинг экспедицияси сентябрга қадар узайтирилди.
Изоҳ (0)