Мазза қилиб дам олиш учун Тошкентни тарк этиш шарт эмас — бир неча йилдан бери пойтахтда шаҳар аҳолиси ва меҳмонларининг сифатли ҳордиққа бўлган эҳтиёжини қондиришга тайёр комплекс фаолият кўрсатмоқда.
AQUALAND қурилиши 2008 йилда бошланди ва икки йил давом этди. Бу вақт мобайнида таъсисчилар нафақат қурилиш билан шуғулланди, балки бассейнларда сув сифатини таъминлаш технологияларини ўрганди ва жиҳозларни синовдан ўтказди.
Қурилишга бўлган бундай масъулиятли ёндошув туфайли республика ҳукумати AQUALAND таъсисчиларига Самарқанд шаҳрида ҳам шу каби аквапарк бунёд этишни топширди.
Бугунги кунга келиб AQUALAND сувнинг биллурдек софлигига, тўғри пҳ-даражага, аквапаркнинг ҳар бир бассейнида сувнинг оптимал ҳароратини танлашга эришди. AQUALAND икки жакузи, катталар, ўсмирлар ва болалар учун бассейнларга эга.
Болалар бассейнида майда-чуйдасига ҳамма нарса ўйланган: сув ҳарорати, ясси қирғоқлар ва болалар учун хавфсиз «тепалик»лар. Болалар бассейнининг максимал чуқурлиги 50, минимал чуқурлиги эса 35 сантиметр.
Бу ерда ғамхўр ота-оналар учун мўлжалланган бир неча шезлонгни кўриш мумкин. Каттароқ ёшдаги болаларни эса профессионал йўриқчи-қутқарувчиларга ишониб топширса бўлади: кўздан қочиришмайди, ёрдам беришади, ҳатто сузишга ҳам ўргатишади! Яна 8 нафар қутқарувчи бошқа бассейнлар ёнида навбатчилик қилади.
Парк марказида сув ҳажми 450 кубометр бўлган тўлқинли бассейн жойлашган. Бу ерда, денгиздаги каби, тўлқинлар ҳавонинг шиддатли оқими ёрдамида ҳосил қилинади. Бассейндаги ҳарорат ҳам денгиздаги каби тетиклантирувчи — 26 даража. Тўлқинлар баландлиги 3,5 метр, бундан ортиғи болалар учун хавфли.
Тўлқинли бассейн ортида паркдаги энг катта сув ҳавзаси (ҳажми 1100 куб метр, сув ҳарорати 27 даража) — катталар бассейни жойлашган.
Бу ерда икки «тепалик» — тезкор ва «камикадзе»ни кўриш мумкин. Иккови ҳам ҳафсала билан ва қойилмақом лойиҳалаштирилган. 15 метрли баландликка қарамай буткул хавфсиз (албатта, паркнинг барча меъёр ва қоидаларига риоя этганда): чоклар ҳар куни текширилади ва сайқалланади, сувдаги финиш эса жароҳатлардан сақланиш учун қисқа ташланмада амалга оширилади.
Яна учта «тепалик» (тўғри, винтли ва бир вақтнинг ўзида бутун оила ёки гуруҳ билан тушиш мумкин бўлган оилавий) 7 метрли минорадан ўсмирлар бассейнига тушади. Мазкур бассейнда сув ҳажми 580 куб метр, ҳарорати эса 28 даража.
AQUALAND паркининг ифтихори 50 ва 30 кишига мўлжалланган икки бассейн-жакузидир. Уларда нафақат массаж олиш, балки танага илиқлик бахш этиш ҳам мумкин — сув ҳарорати 32 даражани ташкил этади.
Паркда чекиш учун 5 та алоҳида ҳудуд мавжуд, сув яқинида чекиш ман этилади. Шезлонг ёнида эса бемалол тамадди қилиш ёки тўлақонли таомланиш мумкин.
Парк ҳудудида жами 500 та қуёшдан оқ мато билан ҳимояланган ва ультрабинафша нурлари тушцҳига имкон бермайдиган шинам шезлонг жойлашган.
AQUALAND меҳмонларга хизмат кўрсатиш ва аквапаркни очиқ осмон остидаги байрам манзилига айлантиришга тайёр 3 ошхона ва 40 нафар официантга эга. Байрам муҳитини мусиқали клиплар ва концертлар намойиш этиладиган улкан экран бойитади. AQUAЛАНД рақс тушиш ва югуриш учун хавфсиз, чунки парк ҳудудида сирпаниш мумкин бўлмаган фактурали плиткалар терилган.
AQUAЛАНД ўзининг шахсий GPS-навигация тизими — келиш-кетиш ва ҳар бир меҳмоннинг паркда ҳаракатланишини кузатиш имконини берувчи магнит билагузукларга эга. Улар шахсий жавончаларга калит бўлиб ҳам ҳисобланади. Қимматбаҳо буюмлар учун парк видеокузатув ёрдамида қўриқланадиган алоҳида қутилар таклиф этади.
Оилавий ёки гуруҳ бўлиб дам олишга чоғланганларга GoldenValley’да хона олиш ва комплекснинг меҳмонхона мижозлари учун имтиёзидан — аквапаркда 3 соат давомида бепул бўлишдан фойдаланиш таклиф этилади.
GoldenValley хорижий ва бошқа шаҳарлардан келган меҳмонлар ҳамда Тошкент аҳолисини қабул қилишга тайёр. Меҳмонхона қошидаги сауна ва бассейнлар ҳақида, шунингдек, бошқа маълумотларни gvhotel.uz сайтида топиш мумкин.
Чуқур ўйланган инфраструктура ва байрам муҳити ҳар бир ташриф буюрган мижоз ёдида сақланиб қолиши шубҳасиз. AQUALAND ҳар йили 9 май куни ўз эшикларини очади ва бутун ёз бўйи ўз меҳмонларига сув машғулотларидан олинадиган олам-олам лаззатни бахш этади.
Реклама ҳуқуқи асосида
Изоҳ (0)