Ирландия пойтахти Дублиндаги ветеринария клиникаларидан бирида бу ерда даволанаётган мушукларни қучоқлаш билан шуғулланадиган ходим ишга олинади. Бу ҳақдаги эълон муассаса сайтида жойлаштирилди.
Just Cat клиникаси мушукларни яхши кўрадиган, уйсиз жониворни боқа оладиган, бу ишдан роҳат оладиган ходимни қидирмоқда. Номзоднинг овози юмшоқ, қўли майин бўлиши, у ҳаяжондаги мижозни тинчлантира олиши ва миёвлашнинг турларини фарқлай билиши лозим.
Бундан ташқари, номзодлар имкон қадар ветеринария мутахассислигига эга бўлиши мақсадга мувофиқ.
Муассаса фақат мушуклар билан шуғулланади.
Изоҳ (0)