Америкалик таниқли хонанда Ариана Гранде Манчестер шаҳрида уюштирган концерти чоғида рўй берган теракт туфайли Европа бўйлаб Dangerous Woman номли гастроль сафарини бекор қилди. Бу ҳақда «Интерфакс» хабар бермоқда.
Twitter’даги саҳифасида ёш хонанда чуқур қайғуда эканлигини таъкидлаб ўтди.
https://twitter.com/ArianaGrande/status/866849021519966208
Гранде, Буюк Британиядан ташқари, Бельгия, Польша, Германия ва Швейцариядада концерт бериши кутилаётган эди.
Эслатиб ўтамиз, Manchester Arena стадионида 22 май, душанба куни Ариана Гранденинг концерти вақтида портлаш содир бўлди. Сўнгги маълумотларга кўра, стадиондаги портлаш оқибатида 22 киши ҳалок бўлган, 59 киши жароҳатланган. Ҳодиса учун жавобгарликни ИШИД террорчилик гуруҳи ўз зиммасига олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.