Reglamentga rioya qilinmagan holda amalga oshirilgan texnik xizmat ko‘rsatish natijasida AQSh prezidenti uchun mo‘ljallangan VC-25 samolyotiga 4 million dollar hajmida zarar yetkazildi, deb yozadi “TASS”.
CNN xabar berishicha, yo‘l qo‘yilgan mas’uliyatsizlik parvoz chog‘ida bortda yong‘in kelib chiqishiga yoki hatto portlash yuz berishiga olib kelishi mumkin edi.
Boeing mexaniklari prezident samolyoti bortidagi kislorod qurilmasi ifloslanishiga yo‘l qo‘yib bergan. Ular kislorod qurilmasi sozligini tekshirish vaqtida zarur tarzda tozalanmagan asboblardan foydalangan.
Mexaniklardan biri o‘z rahbariyatiga ehtimoliy qoidabuzarlik haqida xabar qilgach, federal hukumat tekshiruv boshlagan. Texnik xizmat ko‘rsatish uchun mas’ul pudratchi yetkazilgan zarar uchun tovon puli to‘lagan.
Izoh (0)