1979 йилда авиафалокат оқибатида ҳалок бўлган «Пахтакор» футболчилари — Михаил Ан, Владимир Фёдоров ва Олим Ашировлар хотирасига бағишлаб Халқаро турнир ўтказилди. Тошкент вилояти Янгийўл туманидаги ёшлар жамоаси сафида Зинитдинзидан исмли футболчи ҳаракат қилди. Бу ҳақда «Правда Востока» газетасига таяниб, «1news.uz» хабар берди.
Корея Республикасининг Ўзбекистондаги элчихонаси турнирнинг энг яхши ўйинчиларидан бири сифатида Зинитдинзиданга махсус совға тақдим этди.
«Дадам футболнинг ашаддий ишқибози. Унинг кумири машҳур франциялик ярим ҳимоячи Зинедин Зидан бўлган. Унинг шарафига атаб менга шундай ноодатий исм берган. Исм менга катта масъулият юклайди. Отамнинг умидларини оқлашга ҳаракат қиламан», — деди 13 ёшли болакай.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)