Чеченистон раҳбари Рамзан Қодировни ўлдиришга тайёргарлик кўришда гумонланаётган уч нафар шахс ўз айбини тан олди. Бу ҳақда Meduza хабар берди.
Гумонланувчи Азиз Альвиев, Беслан Закараев, Шамхан Магомадов ўз айбини тан олган. Уларга нисбатан ҳукм май ойининг охири ёки июнь ойининг бошида эълон қилиниши кутилмоқда.
Рамзан Қодировга суиқасд қилиш иши бўйича тергов олиб борилаётгани 2017 йил январида маълум қилинганди. «Новая газета» маълумотига кўра, уч нафар гумонланувчи январь ойида Гудермесда қўлга олинган. «Росбалт» версиясига кўра, Альвиев, Закараев ва Магомадов 2016 йил майида қўлга олинган, аммо уларнинг қўлга олиниши ҳақида 8 ойдан кейин расман эълон қилинган.
Тергов версияси бўйича 2016 йил майида Исо Ямадаев ўз қўриқчиси Азиз Альвиевга Рамзан Қодировнинг ҳаётига суиқасд уюштиришни ташкил қилишни таклиф этган ва ҳар бир иштирокчига 100 минг доллардан ваъда қилган. Альвиев эса ўз навбатида Закараев ва Магомадовни жалб қилган.
«Росбалт»нинг маълум қилишича, Альвиев, Закараев ва Магомадов қўлга олингач Ямадаевга қарши кўрсатма берган. 2016 йилнинг апрелида Ямадаев сиртган ҳибсга олингани ва халқаро қидирувга берилгани ҳақида маълум бўлганди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)