Америкалик актриса Жулия Робертс People журнали томонидан сайёранинг энг гўзал аёли деб топилди. Бу ҳақда «ТАСС» хабар бермоқда.
«Жулия Робертс People’нинг ‘Жаҳондаги энг чиройлилар’ рейтингига бағишланган сони муқовасида илк бор пайдо бўлганига 26 йил бўлди, ва у аввалгидек севимли офатижонимиз бўлиб қолмоқда», — дейилади журналнинг интернетдаги саҳифасида, актрисага шуҳрат келтирган «Офатижон» фильмига (1990) ишора қилинган ҳолда.
49 ёшли актриса чорак аср давомида бешинчи марта People’нинг йиллик рейтингига кўра дунёнинг энг гўзал аёли деб тан олинмоқда.
«Бешинчи марта? Мақтанса арзийдими?», — деди актриса журналга берган интервьюсида ва бу билан бу каби ҳисоб-китобларни олиб бормаганини қайд қилиб ўтди.
2016 йилда рейтинг бошига бошқа америкалик актриса — Женнифер Энистон келган эди.
Изоҳ (0)