Калифорния штати собиқ губернатори Арнольд Шварценеггер АҚШ президенти Дональд Трампни таълимга ажратилган пул маблағини 1 миллиард доллардан зиёдроққа камайтириб, америкалик мактаб ўқувчиларини талашда айблади, деб ёзади «ТАСС». Бундай фикрни машҳур актёр ва сиёсатчи мактабгача таълим муассасалари тарбиячилари форумида билдирди.
«Президент Трамп бизга Америкага илгариги қувватни қайтаришга ваъда берганди. Аслида эса у болалардан 1,2 миллиард долларни олиб қўйиб, уларнинг бор-йўғини шилмоқда», — деди Шварценеггер.
«Бу билан у нимага эришмоқчи? Нима учун у давлат бюджетини болалар ҳисобидан балансга келтирмоқчи?» — деди собиқ губернатор. У, шунингдек, ҳукмрон АҚШ Республикачилар партияси таркибидан чиқмоқчи эмаслигини тасдиқлади (Трамп ҳам шу партия аъзоси). «Мен Трампнинг республикачиси эмасман», — дея таъкидлади Шварценеггер.
Изоҳ (0)