Америкалик ўсмир 2015 йил сентябрида Филадельфияга ташрифи чоғида Рим папаси Францискка суиқасд уюштирадиган «террорчиларга моддий ёрдам бериш»га уринганини тан олди. Бу ҳақда «ТАСС» хабар бермоқда.
NBC телеканалига кўра, Нью-Жерси штатидан бўлган Сантос Колон Рим католик черкови пешвосига ИШИД номидан ҳужум уюштириш ниятида бўлган. Бунинг учун ўша пайтда 15 ёшда бўлган Колон снайпер хизматидан фойдаланишни режалаштирган.
Бунинг учун у снайпер деб ўйлаган киши билан боғланган, бироқ у ФҚБ ходими бўлиб чиқади. Ўсмир снайпер ҳаракатларидан сўнг ҳодиса жойи яқинида портлаш уюштиришни мўлжаллаган эди.
Сантос Колон 2015 йилда ҳибсга олинган. Унга 15 йил қамоқ жазоси берилиши ва 250 минг доллар жаримага тортилиши мумкин.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!