АҚШ федерал судьяси Трампнинг иммиграция бўйича фармони ижросини тўхтатиб қўйган қарорига изоҳ беришдан бош тортди

АҚШ федерал суди президент Дональд Трампнинг иммиграция бўйича янги фармони ижросини тўхтатиб қўйган қарорини изоҳлаб бериш бўйича ҳукумат сўровини рад этди. Бу ҳақда «РБК» хабар бермоқда. 

Мазкур қарорни қабул қилган Гавайилик судья Деррик Уотсонга кўра, штат суди қарорида «тушуниб бўлмайдиган ҳолатнинг ўзи йўқ». 

«Ҳукумат расмий шахслар олдинги ҳисоботлар ва далиллар келтирилган ҳужжатларга киритмаган қўшимча фарқларни талаб қилишга ҳақли эмас», — дея таъкидлади Деррик Уотсон. 

Гонолулу (Гавайи штати) федерал суди судьяси Деррик Уотсон Трампнинг муҳожирлар ҳақидаги янги фармони кучга киришига 4 соат қолганда унга умуммиллий тақиқ қўйди.

Ўз навбатида, Дональд Трамп «суд ваколатлари мислсиз даражада ошириб юборилгани»дан норози бўлди ва мазкур тақиқ бўйича ишни Олий судгача олиб чиқишга ваъда берди.