БМТ Хавфсизлик кенгаши Афғонистонни қўллаб-қувватлаш бўйича миссия ваколатини 2018 йил 17 мартгача узайтирди. Тегишли 2344-резолюция 17 март, жума куни қабул қилинди. Ҳужжатга Япония делегацияси муаллифлик қилди, деб ёзади «Коммерсантъ».
БМТ Хавфсизлик кенгаши Афғонистон ҳамда минтақадаги бошқа мамлакатлар, шу жумладан Марказий Осиё хавфсизлиги учун жиддий таҳдидлар яратаётган ИШИД билан боғлиқ гуруҳлар Афғонистонда мавжудлиги ва уларнинг кучайиш эҳтимоли борлиги юзасидан жиддий хавотир билдирди.
Эслатиб ўтамиз, 11 март куни қуролланган номаълум шахслар Афғонистоннинг шарқий Хост вилоятидаги ҳарбий авиабазага ҳужум уюштирган эди. Аввалроқ эса «Толибон» Афғонистонда кетма-кет портлашлар содир этган эди. Буларнинг барчаси эса минтақа ва жаҳон давлатлари ўртасидаги муносабатларни кескинлаштирди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)