Германия молия вазирига почта орқали портловчи модда жойлаштирилган пакет юборилди

Германия молия вазири Вольфганг Шойблега йўлланган портловчи модда жойлаштирилган пакет вазирлик ходимлари томонидан тўхтатиб қолинди. Бу ҳақда Bild хабар бермоқда. 

Симлари чиқиб турган шубҳали посилкага вазирлик экспедиторлик хизмати эътибор қаратди. Муассасага портловчи моддалар бўйича мутахассислар чақирилди ва вазирлик биносидан ходимлар чиқарилди.

DW маълумотларига кўра, техника-криминалистика институти экспертлари хавфли топилмани Берлин чеккасидаги портлашларни амалга ошириш ҳудудига етказди ва таркибини ўрганишга киришди. 

Пакетда портловчи қурилма ва пиротехника буюмларини тайёрлашда ишлатиладиган аралашма борлиги маълум бўлди. Бундай қурилма посилка очилган тақдирда ишлаб кетиши мумкин эди. 

Мамлакат ҳуқуқ-тартибот идоралари мазкур ҳолат юзасидан текширувни бошлади.