Ўзбекистоннинг агросаноат маҳсулотлари экспорти ўсишига товар босиб ўтадиган йўлнинг ҳар бир босқичидаги шаффофлик имконият яратади. Бу ҳақда Тошкентда ўтган ҳафта бўлиб ўтган семинарда гапирилди, деб ёзади «Газета.uz».
Global Cold Chain Alliance (GCCA)’нинг 2016 йилги ҳисоботига кўра, сўнгги йилларда Ўзбекистон совитгичда сақлаш қувватлари ошиши борасида кескин ўсишга эришди ва ушбу кўрсаткич бўйича дунёнинг 20 та етакчи мамлакатлари қаторига кирди. Статистикага кўра, Ўзбекистонда ҳар бир шаҳар фуқароси ҳиссасига ўтган йили 0,3 кубометрдан ортиқ совитиш омборлари майдони тўғри келган.
«Совитиш қувватларининг ўсишга бундай мойиллиги кузатилаётган бир пайтда, мева-сабзавот маҳсулотлари экспортини кескин кўпайтириш учун Ўзбекистон транспорт орқали етказиб беришни яхшилаши, ҳароратни мониторинг қилиши, шунингдек, автоматлашган сақлаш тизимлари ва қидирув тизимларини жорий қилиши керак», — деди GCCA вакили Ричард Трейси.
Изоҳ (0)