Туркиянинг Мугле шаҳрида 2016 йил июлида давлатни тўнтаришга уриниш чоғида президент Ражаб Тоййиб Эрдўғонга нисбатан суиқасд ҳақидаги иш бўйича суд бошланди, деб ёзади Meduza.
Иш бўйича 47 киши айбланмоқда, уларнинг кўпчилиги тўнтариш кечаси президент бўлган Мармарис меҳмонхонасини қўлга олишга уринган. Улар умрбод қамоқ жазосига ҳукм қилиниши мумкин, деб ёзади Daily Sabah.
Уч киши сиртдан судланади; Daily Sabah маълумотларига кўра, улар орасида АҚШда яшовчи ислом дини тарғиботчиси Фатҳулла Гулен ҳам бор, уни Туркия ҳукумати исён раҳнамоси деб атаб келаётган эди; суди иши фигурантларига, шу жумладан, у раҳбарлик қиладиган террорчилик ташкилотида иштирок этиш айби ҳам қўйилмоқда.
Reuters ёзишича, судланувчилардан бири судда исёнчилар олдида Эрдўғонни ўлдириш вазифаси турмаганини айтди. «Менинг миссиям президентни қўлга олиб, уни эсон-омон ҳолда Акинжи ҳарбий-ҳаво кучлари базасига (давлат тўнтариши иштирокчиларининг қароргоҳи ўша ерда жойлашган эди) етказишдан иборат эди», — деди у.
Суд биноси ёнида 200 га яқин киши тўпланди, улар судланувчилар учун ўлим жазосини талаб қилди.
Изоҳ (0)