Португалиялик мутахассис Андре Виллаш-Боаш бошчилик қилаётган «Шанхай СИПГ» Осиё Чемпионлар лигаси гуруҳ босқичининг дастлабки турида ғалабага эришди.
Жанубий Кореяда «Сеул» клуби меҳмони бўлган хитойликлар Халкнинг ягона голи эвазига муваффақият қозонди. Беллашувда сеулликларнинг легионер футболчиси Деян Дамянович пенальтидан аниқ фойдалана олмади. Шунингдек, шанхайликларнинг ярим соат давомида бир киши кам ҳаракат қилгани ҳам ҳисобнинг тенглашиши учун сабаб бўла олмади.
Чемпионлар лигасининг плей-офф ўйинида «Шанхай СИПГ» Таиланд клуби дарвозасига 3 та жавобсиз гол урган бўлиб, Одил Аҳмедов уларнинг бирига ассистентлик қилганди. Сеулдаги беллашувда ҳам Ўзбекистон миллий терма жамоаси сардори 90 дақиқа ҳаракат қилди.
Гуруҳдаги иккинчи ўйинда Япониянинг «Урава Ред» клуби Австралияда «Вестерн Сидней» дарвозасига жавобсиз 4 та гол уришнинг уддасидан чиқди. Шу боисдан Одил Аҳмедов жамоадошлари 1-турдан кейин гуруҳда 2-ўринни эгаллаб турибди.
Осиё Чемпионлар лигаси «F» гуруҳи. 1-тур 21 февраль, сешанба
«Сеул» (Жанубий Корея) — «Шанхай СИПГ» (Хитой) 0:1
Гол: Халк, 53 (0:1).Ноаниқ пенальти: Деян Дамянович, 60 (С).Четлатиш: Хе Гуан, 59 (Ш).«Шанхай СИПГ»: Ян Жунлинг — Ванг Шенчао, Саи Хуканг, Ву Лей, Оскар, Элкесон, Халк, Фу Хуан, Одил Аҳмедов, Ши Ке, Хе Гуан.
Изоҳ (0)