АҚШ Жанубий Хитой денгизига Carl Vinson авианосеци ва ҳамроҳ кемаларни юборди, дея хабар бермоқда «ТАСС» Америка ҳарбий-денгиз кучлари матбуот хизматига таяниб.
Ушбу авиаташувчи зарбдор гуруҳ 18 февраль куни Жанубий Хитой денгизида анъанавий операцияларни бошлади, дейилади хабарда. ҲДК матбуот хизмати баёнотида Жанубий Хитой денгизига юборилган кемалар сифатида фақат Carl Vinson ва Wayne E. Meyer тилга олинган.
Ҳудудга етиб келгунига қадар, мазкур авиаташувчи зарбдор гуруҳ кемалари ва самолётлари ҳаракатлар уйғунлигини ва жанговар шайликни ошириш учун «Гавайи ва Гуам ороллари ҳудудида» ўқув машқларини олиб борган.
Авиаташувчи зарбдор гуруҳ қўмондони контр-адмирал Жеймс Килби сўзларига кўра, сўнгги бир неча ҳафта давомида олиб борилган ушбу машғулотлар унинг самарадорлиги ва ҳарбий тайёргарлигини яхшилаган. «Биз ушбу имкониятларни намойиш этиш билан бир вақтда Ҳинд-Осиё-Тинч океани ҳудудидаги иттифоқдошларимиз, шерикларимиз ва дўстларимиз билан алоқаларимизни мустаҳкамлаш ниятидамиз», — дея таъкидлади Килби.
Изоҳ (0)