Ливан давлат телевидениесининг машҳур мусиқавий кўнгилочар дастурлари муаллифи ва бошловчиси Далиа Фрейфирнинг номи Гиннеснинг рекордлари китобига киритилди. Бу ҳақда «ТАСС» хабар бермоқда.
Тўхтовсиз бир сутка давом этган ток-шоуда мухбир Ливан ва бошқа араб мамлакатларининг 40 дан зиёд ижодкори — бастакор, қўшиқчи, артист, ёзувчи ҳамда рассомлар билан жонли мулоқот олиб борди. Кўрсатувда жами 91 киши иштирок этди.
18 ёшида автоҳалокат натижасида кўзи ожиз бўлиб қолган Далиа ўз суҳбатдошларини кўрмай ток-шоу олиб боргани учун ҳам шундай муваффақиятга эришгани таъкидланмоқда.
Рекорд ўрнатилгани ҳақидаги гувоҳномани қўлга киритгач, Далиа ҳукумат ва жамиятни кўзи ожиз одамларга нисбатан эътиборлироқ бўлишга чақирди.
Уларга ушбу ҳаётда ўз ўрнини топиши ва ишга жойлашишига ёрдам беринглар.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.Далиа Фрейфир, ливанлик мухбир
Изоҳ (0)