Трамп Эронни Ироқ устидан назоратни қўлга олишда айблади

АҚШ президенти Дональд Трамп Вашингтон киритган маблағларга қарамасдан, Эрон Ироқ устидан назоратни тобора кўпроқ қўлга олаётганлигини маълум қилди. Бу ҳақда давлат раҳбари Twitter’даги саҳифасида маълум қилди, деб ёзади «ТАСС».

АҚШ Ироқда уч триллион доллар сарфлаганлигига қарамасдан, Эрон тезлик билан уни борган сари кўпроқ эгаллаб олмоқда. Бу кўпдан буён равшан!

Дональд Трамп, АҚШ президенти

Аввалроқ давлат раҳбарининг миллий хавфсизлик бўйича ёрдамчиси Майкл Флинн журналистлар учун брифингда Қўшма Штатлар Эроннинг баллистик ракеталар синовини қоралашини маълум қилган эди. Кейинроқ Оқ уй вакиллари жавоб чораларини кўриб чиқаётганлиги ҳақида хабар қилди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.