Бугун,

  • USD 11014.01
  • RUB 191.8
  • EUR 10674.78

Маълум бўлишича, баъзи ихтиролар тасодифлар оқибатида яратилган. Мақоламиз орқали шундай ихтиролар тўғрисида билиб оласиз.

Фото: Look At Me

Фото: Look At Me

Гугурт

XIX аср бошларида британиялик фармацевт Ж. Уокер дори тайёрлашда кимёвий моддаларни ёғоч чўплар ёрдамида аралаштиради. Бир куни у чўплардан бирига ёпишиб қотиб қолган моддани қириб ташламоқчи бўлганда, у ёнади. Атрофидагилар маслаҳатига қарамасдан, инсониятга фойда келтириш осон бўлиши учун Уокер бу кашфиётини патентламайди.

Микротўлқинли печ

Микротўлқинли печ – иккинчи жаҳон уруши даврида ўтказилган ҳарбий тажрибалар натижасида топилган иккинчи даражали ихтиро. Кунларнинг бирида америкалик олим П. Спенсер радиолокатор ёнида чўнтагидаги конфет эриганини билиб қолади. У ҳамкасблари билан биргаликда тўлқинларни бошқа егуликларда ҳам синаб кўради ва шу тариқа микротўлқинли печ пайдо бўлади.

Нонушта учун янчилган ёрмалар

Америкалик доктор Ж. Келлог ва унинг укаси У. Кит тиббиётнинг соғлом яшаш тарзи соҳасида иш олиб боради. Ака-укалар Мичиган штатидаги соғломлаштириш масканида буғдойдан овқат ўрнини босувчи ичимлик тайёрлашда ивитилган буғдойнинг қуриб қолганини тасодифан кўриб қолиади ва уларни янчиб ёрма тайёрлай бошлайди.

Оғизни чайқовчи суюқлик

Оғиз бўшлиғини чайқайдиган суюқлик америкалик врачлар томонидан жарроҳликда зарарсизлантирувчи восита сифатида ўйлаб топилган. Маркетологлар М. Физли ва Г. Сигроуву шарофати билан листерин (зарасизлантирувчи восита) янги вазифага эга бўлди. Улар оғиздан нохуш ҳид келиши оқибатларининг салбий таъсирини омманинг онгига, оғизни чайқаш воситасини эса бозорга сингдиришга муваффақ бўлди.

Изоҳ
Асосий янгиликлар