Фаластин давлати раҳбари Маҳмуд Аббос АҚШнинг сайланган президенти Дональд Трампга мурожаат қилиб, Америка дипломатик ваколатхонасини Қуддусга кўчиришдан воз кечишни сўради, деб ёзади «ТАСС». Фаластин етакчиси бу ҳақда республикачининг номига юборилган мактубда ёзган.
Матнда Аббос АҚШ элчихонасини Қуддусга кўчиришнинг хавфли эканлиги ҳамда ушбу қадам «икки халқ учун икки давлат» тамойили асосидаги тинчлик жараёни учун ҳалокатли оқибатларга олиб келиши туфайли Трампни бундан воз кечишга чақирди. У Шарқий Қуддуснинг истилочи Исроил ҳукумати томонидан босиб олиниши халқаро ҳуқуққа зид эканлигини таъкидлади.
Шунингдек, Аббос АҚШ дипломатик миссиясининг Қуддусга кўчирилишига тўсқинлик қилишни сўраб, Россия, Хитой, Франция, Германия ва Буюк Британия етакчиларига мактуб ёзди.
Ўз сайловолди кампанияси чоғида Трамп АҚШ президентлигига сайланган тақдирда, Қуддуснинг Исроил давлатининг ягона ва яхлит пойтахти деб тан олинишига эришишини айтган эди.
Изоҳ (0)