Ўзбекистон миллий терма жамоасининг ЖЧ—2018 йўлидаги рақиби Эрон Амирликларда йиғин ўтказмоқда, деб хабар берди «Championat.asia». Дубай шаҳрида тўпланишдан мақсад, ўз гуруҳида етакчи бўлиб турган эронлик футболчиларнинг бугунги кундаги ҳолатини назорат қилишдан иборат.
Терма жамоа йиғини аввалдан режалаштирилмаган бўлиб, португалиялик Карлуш Кейрушнинг тезкор қарорга келиши маҳаллий форс клубларини шошириб қўйди. Улар ўзларининг етакчи футболчиларини терма ихтиёрига юборишга мажбур бўлди.
Бу эса «Персеполис» клуби устози Бранко Иванковичга ёқмади ва мутахассис ўз норозилигини билдирди. Натижада Карлуш Кейруш Алиризо Бейронванд, Рамин Ризоиян, Саид Ҳусайний, Муҳаммад Ансорий, Воҳид Амирий, Камол Камябиний ва Меҳди Таромий каби футболчиларга жавоб беришга мажбур бўлди.
Карлуш Кейрушнинг сўзларига кўра, терма жамоа назорати остида бўлмаган футболчилар унинг асосий таркбига кириш учун қолган футболчилардан камроқ имкониятга эга бўлади.
Маълумот учун, Ўзбекистон миллий терма жамоаси январь ва февраль ойларида Туркия ҳамда БАА мамлакатларида худди шундай йиғин ўтказади.
Изоҳ (0)