Сахалиндан Курилга учаётган Россия йўловчи лайнери чет эл самолёти билан тўқнашиб кетмаслик учун баландликни фавқулодда пасайтиришга мажбур бўлди. Бу ҳақда «Газета.ru» хабар бермоқда.
Bombardier самолёти Сахалиндан учиб чиққан бўлиб, 6 минг метр баландликка чиққан ва Курилга кетаётган эди. Аммо диспетчерлар лайнерга ўша баландликда ва катта тезликда номаълум самолёт яқинлашаётганини аниқлади. Ушбу самолёт ердан келаётган сўровларга жавоб бермади.
Хавфли вазият бартараф этилгач, диспетчерлар номаълум самолёт билан бир неча марта боғланишга уринди, лекин учувчилар жавоб бермади.
Шу билан бирга, номаълум ҳаво кемасининг самолёт радиолокацион сигнали ушланди. Халқаро таснифга кўра, бу сигнал НАТО блоки самолётларига тегишлидир.
Ушбу ахборот ҳозирча расман тасдиқланмади.