Футбол бўйича Испания Ла Лигасида совринли ўринлар учун кураш олиб бораётган ва «Эль-Класико» иштирокчилари ҳисобланмайдиган етакчи клублар 16-турни ғалаба билан якунлади.
Чемпионлар Лигасининг амалдаги финалчиси ҳисобланган Мадриднинг «Атлетико» клуби ўз майдонида Саулнинг ягона голи эвазига муваффақият қозонди. Бироқ бу ғалабаси билан 6-ўриндан юқорига кўтарила олмади. Чунки Диего Симеоне шогирдларидан кўпроқ очко жамғариб турган клублар ҳам мазкур турда ғалаба нашидасини сурди.
Ўз майдонида «Малага»ни йирик ҳисобда таслим этган «Севилья» турнир жадвалида «Барселона»дан илгарилаб кетди. Луис Энрике жамоаси 16-турни якшанба куни ўтказиб, 2-ўрнини қайтариб олиш имкониятига эга.
Мазкур турда, шунингдек, «Вильярреал» ва «Реал Сосьедад» клубларининг ўзаро рақобати ҳам давом этди. Ҳар икки клуб 2 та гол фарқи билан зафар қучди.
Ла Лига етакчиси бўлиб турган Мадриднинг «Реал» клуби Япония мезбонлигида ўтаётган клублар ўртасидаги Жаҳон Чемпионатида иштирок этмоқда. «Реал» Мексиканинг «Америка» клубини ярим финалда мағлуб этган бўлиб, бугун — 18 декабрь куни финал доирасида кунчиқар юрт чемпиони «Кашима Антлерс»га қарши саф тортади. Мазкур ўйиндаги ғалаба «қироллик клуби»га дунёнинг икки бор чемпиони бўлиб олиш имконини беради.
Испания Ла Лигаси 16-тур беллашувлари 16 декабрь, жума
«Алавес» — «Бетис» 1:0
Гол: Дейверсон, 58 (1:0).17 декабрь, шанба
«Спортинг» — «Вильярреал» 1:3
Голлар: Жонатан Дос Сантос, 12 (0:1). Никола Сансоне, 19 (0:2). Пато, 74 (0:3). Карлос Кармона, 89 (1:3).«Атлетико» — «Лас-Пальмас» 1:0
Гол: Сауль, 59 (1:0).«Гранада» — «Реал Сосьедад» 0:2
Голлар: Йон Баутиста, 56 (0:1). Хуанми, 69 (0:2).«Севилья» — «Малага» 4:1
Голлар: Лусиано Вьетто, 25 (1:0). Лусиано Вьетто, 28 (2:0). Виссам Бен-Еддер, 34 (3:0). Витоло, 35 (4:0). Сандро Рамирес, 64 (4:1).Четлатиш: Адил Рами, 61 (С).18 декабрь, якшанба«Леганес» — «Эйбар»«Депортиво» — «Осасуна»«Барселона» — «Эспаньол»«Атлетик» — «Сельта»
Изоҳ (0)