Йилнинг энг яхши футболчисига бериладиган «Олтин тўп» мукофотига тўртинчи марта лойиқ топилган Мадриднинг «Реал» клуби ва Португалия терма жамоаси ҳужумчиси Криштиану Роналду навбатдаги муваффақиятидан сўнг ўз фикрлари билан ўртоқлашди. Бу ҳақда «Чемпионат» хабар бермоқда.
«‘Олтин тўп’ мукофотини тўртинчи бор қўлга киритиш мен учун шараф. Ичимдан худди биринчи марта ғолиб бўлгандек ҳиссиётлар ўтмоқда. Орзуим яна рўёбга чиқди. Қачонлардир ушбу совринни тўрт марта ютиб оламан деб, тасаввур ҳам қилмагандим. Жуда бахтлиман. Фурсатдан фойдаланиб, барча жамоадошларимга, Португалия термасига, ‘Реалъга ва мана шу совринни қўлга киритишда ёрдам берган барчага ташаккур айтмоқчиман.
Мен учун ҳам шахсий, ҳам жамоавий ютуқлар муҳим. Ҳар доимгидек бор имкониятини кўрсатишга ҳаракат қиламан. ‘Реал’ билан совринлар ютишга интиламан, чунки бу менинг клубим. Шунингдек, жуда қийин бўлса-да, Португалия термаси билан муваффақиятга эришишга ҳаракат қиламан», – деди Роналду.
Криштиану Роналду қайси хизматлари учун «Олтин тўп»га лойиқ кўрилди?
XXI асрнинг энг яхши футболчилари (фотогалерея)
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)