Футбол бўйича Англия Премьер-Лигасининг 15-тур беллашувлари якшанба оқшомида бўлиб ўтган 4 та ўйиндан сўнг якунланди. Шанба куни ўтказилган 6 ўйин натижаси шу ҳаволада келтирилган.
Турнинг марказий учрашуви «Олд Траффорд» стадионида ташкил этилиб, «Манчестер Юнайтед» Лондоннинг «Тоттенҳэм» клубини қабул қилди ва Генрих Мхитаряннинг ягона голи эвазига зафар қучди.
Бунга қадар арманистонлик футболчига Англия Премьер-Лигасида гол уриш насиб қилмаганди. Мхитарян бу борада биринчи бўлди. Қайд этиш керак, у Европа Лигасининг сўнгги турида «Заря» дарвозасини ҳам ишғол қилишга муваффақ бўлганди.
Турнир жадвалида пешқадам бўлиб турган «Челси» 15-турдан кейин карвонбошилигича қолди. Диего Коста томонидан урилган ягона гол «аристократлар»га «Вест Бромвич» устидан ғалаба тортиқ қилди.
«Челси» билан рақобат олиб бораётган «Ливерпуль» эса кетма-кет икки очко йўқотишдан кейин энди 3-ўринда бормоқда. Бир тур аввал «Бёрнли»дан енгилган Юрген Клопп жамоаси, бу сафар ўз майдонида «Вест Ҳэм»ни таслим қила олмади — 2:2.
Англия Премьер-Лигаси 15-тур беллашувлари 11 декабрь, якшанба