Канадада ирқчиликка қарши курашган аёл – Виола Дезмонднинг сурати туширилган 10 долларлик купюра 2018 йилда чиқарилади. Бу ҳақда 8 декабрь куни Канада Банки раҳбари, мамлакат молия вазири ва аёллар ишлари бўйича вазири маълум қилди, деб хабар бермоқда Meduza.
Виола Дезмонд Канада купюрасида тасвирланган илк канадалик аёл бўлади. Аввалроқ Канада купюраларида Буюк Британия қироллик оиласи аёлларининг сурати бўлган.
Виола Дезмонднинг исми эълон қилинган маросимда унинг 89 ёшли синглиси Ванда Робсон иштирок этди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.