Абдулазиз Камилов ШҲТ бош котиби билан учрашди

30 ноябрь куни Ўзбекистон Республикаси Ташқи ишлар вазири Абдулазиз Камилов 4 декабрда бўлиб ўтадиган Ўзбекистон Президенти сайловида иштирок этиш учун Шанхай ҳамкорлик ташкилоти Кузатувчилар миссиясига бош бўлиб мамлакатимизга ташриф буюрган ШҲТ Бош котиби Рашид Алимов билан учрашди. Бу ҳақда ТИВ матбуот хабар бермоқда.

Суҳбат чоғида ташкилотга аъзо давлатлар ва ШҲТ Котибияти вакилларидан иборат Кузатувчилар миссияси фаолиятининг амалий жиҳатлари юзасидан фикр алмашилди.

Шунингдек, ШҲТни янада ривожлантиришнинг долзарб масалалари ҳамда июнь ойида Тошкент шаҳрида бўлиб ўтган Давлат раҳбарлари кенгаши қарорларининг ижро жараёни ҳам муҳокама қилинди.