Англиянинг «Манчестер Юнайтед» жамоаси ҳужумчиси Златан Ибраҳимович «Фееноорд»га қарши Европа Лигаси гуруҳ босқичи 5-тури олдидан журналистлар билан мулоқотда бўлиб, кексайгани сари яхшироқ футбол ўйнашини маълум қилди. Бу ҳақда «Чемпионат» хабар бермоқда.
«Мен сутка давомида 24 соат ярқирайман. 20 йилдан буён футбол ўйнайман. Кексайганим сари эса яхшироқ ўйнайвераман. Мен исталган пайтда ярқирайман ва хоҳласангиз сизлар учун янада кўпроқ ярқирайман. Манчестерга келганимдан буён шаҳар ҳар куни 24 соат ярқирамоқда. Бу ерда ўзимни яхши ҳис қиляпман», – деди Ибраҳимович.
Илгарироқ «Манчестер Юнайтед» Златан Ибраҳимович билан келишув муддатини яна 1 йилга узайтиргани ҳақида хабар қилинганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)