Футбол бўйича Англия Премьер-Лигасининг 12-туридан жой олган 8 та беллашувга якун ясалди. Мана шу саккиз ўйинда чемпионлик учун курашиши таҳмин қилинган 5 та клуб очко йўқотди. «Арсенал»нинг «Манчестер Юнайтед» майдонида қандай қилиб очко олганини мана шу ҳавола орқали билиш мумкин.
Турнир жадвалида пешқадам бўлиб турган «Ливерпуль» бу тур «Саутгемптон» майдонига ташриф буюриб, рақиб ҳимоясини ёриб ўта олмади — 0:0. Юрген Клопп жамоаси бунга қадар кетма-кет 3 та турда зафар қучишнинг уддасидан чиқа олганди.
Липерпулликларнинг очко йўқотишидан фойдаланган «Манчестер Сити» очколарини пешқадамники билан тенглаштириб олди. Мавсум олдидан Гвардиоланинг талабларига тўғри келмаслиги айтилган ва катта эҳтимол билан жамоадан кетиши керак бўлган Яя Туре дубл қайд этиб, «Сити»нинг ғалабасини таъминлаб берди.
Амалдаги чемпион «Лестер» сафарда «Уотфорд»га қарши кураш олиб бориб, Вальтер Маццари жамоасидан енгилди.
«Тоттенҳэм» ва «Вест Ҳэм» клублари ўртасидаги Лондон дербисида мезбонлар иродали ғалабага эришди.
Англия Премьер-Лигаси 12-тур беллашуви 19 ноябрь, шанба
«Манчестер Юнайтед» — «Арсенал» 1:1
Гол: Хуан Мата, 68 (1:0). Оливье Жиру, 89 (1:1).«Кристал Пэлас» — «Манчестер Сити» 1:2
Голлар: Яя Туре, 39 (0:1). Коннор Уикхем, 66 (1:1). Яя Туре, 83 (1:2).«Сандерленд» — «Халл Сити» 3:0
Голлар: Жермейн Дефо, 34 (1:0). Виктор Аничебе, 62 (2:0). Виктор Аничебе, 84 (3:0).Четлатиш: Папи Жилобожи, 89 (С).«Саутгемптон» — «Ливерпуль» 0:0
«Сток Сити» — «Борнмут» 0:1
Гол: Натан Аке, 26 (0:1).Ноаниқ пенальти: Боян Кркич, 48 (С).«Уотфорд» — «Лестер» 2:1
Голлар: Этьен Капу, 1 (1:0). Роберто Перейра, 12 (2:0). Риёд Маҳрез, 15-пен (2:1).«Эвертон» — «Суонси» 1:1
Голлар: Гилфи Сигурдссон, 41-пен (0:1). Шеймус Коулмен, 89 (1:1).«Тоттенҳэм» — «Вест Ҳэм» 3:2
Голлар: Майкл Антонио, 24 (0:1). Ҳарри Винкс, 51 (1:1). Мануэль Ланзини, 68-пен (1:2). Ҳарри Кейн, 89 (2:2). Ҳарри Кейн, 90+1-пен (3:2).20 ноябрь, якшанба«Мидлсбро» — «Челси»
21 ноябрь, душанба«Вест Бромвич» — «Бёрнли»
Изоҳ (0)