Вьетнам устидан зафар қучган Ўзбекистон U23 Хитойдаги турнирни Мексикадан кейин 2-ўринда якунлади

23 ёшгача бўлган футболчилардан ташкил топган Ўзбекистон терма жамоаси Хитойдаги халқаро турнирни якунлади, деб хабар берди ЎФФ матбуот хизмати.

Жасур Абдураимов бошчилик қилаётган жамоаси мусобақанинг илк турида Мексикага қарши саф тортиб, 0:2 ҳисобида имкониятни бой берган бўлса, 2-турда мезбон Хитой билан 0:0 ҳисобида дуранг ўйнаганди.

3-турга келибгина Ўзбекистон терма жамоаси ғалаба қозонди. 3:1 ҳисобида якунига етган ўйинда Сардор Азимов, Аббос Отахонов, Саиджамол Давлатжонов каби футболчиларнинг голлари Вьетнамни таслим қилиш учун етарли бўлди.

Мексика турнирни 7 очко билан пешқадам сифатида якунлади. Ўзбекистон ҳисобида 4, Хитой ва Вьетнамда эса 2 тадан очко мавжуд.