Шарқий экспресс
Кўпчилик уни Агата Кристининг «Шарқий экспрессдаги қотиллик» романи орқали яхши танийди. Экспресс Истанбул ва Париж ўртасида 1883 йилда қатнашни бошлаган. 1977 йилда поезд рельсдан чиқарилган, аммо у яратилганидан 99 йил ўтиб, янгиланган Venice Simplon Orient Express ишга тушган.
Шарқий экспресс бортида жинси шим кийиш мумкин эмас. Ресторан вагондаги кечки овқат эса қатъий дресс-кодни талаб қилади.
Чипта нархи 929 фунт стерлингдан бошланади.Eastern & Oriental Express экспресси
Поезд 1973 йилда Янги Зеландиядаги Окленд ва Веллингтонни бирлаштириш учун қурилган. 20 йилдан сўнг дизайнерлар уни 1920 йиллар услубида қайта жиҳозлади. Энди у Сингапурдан Малайзия ва Бангкокка қатнайди.
Чипта нархи 1775 фунт стерлингдан бошланади.Blue Train экспресси
Поезд Кейптаун, Порт-Элизабет ва Претория ўртасида қатнайди. Экспресс Жанубий Африка Республикасининг манзарали жанубий қирғоқлари бўйлаб юради.
Чипта нархи 740 доллардан бошланади.The Golden Chariot экспресси
Жанубий Ҳиндистон бўйлаб қатнайдиган йўловчи поезди Англия қироличасининг «Кўк экспресс»и услуби бўйича яратилган. У ҳиндча шукуҳдаги шоҳоналикдан иборат, у ерда ҳатто SPA маркази мавжуд.
Чипта нархи 5730 доллардан бошланади.Rovos Rail экспресси
Вагонларининг кўпчилиги 1911 йилда Европада қироллик оиласи учун транспорт воситаси сифатида йиғилган. Ўн йиллардан сўнг компаниялардан бири уни қайта тиклаб, Африка бўйлаб қатнайдиган люкс синфидаги поездга айлантирди. Бу ерда йўловчиларга Африка таомлари таклиф қилинади.
Чипта нархи 1200 доллардан бошланади.Royal Scotsman экспресси
Шотландия бўйлаб қатнайдиган шинам йўловчи поезди. Вагонларидан бири SPA марказига айлантирилган. Чипта нархига қадимий қасрларга ташриф буюриш, виски заводига бориб, татиб кўриш, экскурсия ва бошқалар киради.
Чипта нархи 2350 фунт стерлингдан бошланади.The Maharaja’s Express
Ҳиндистонда қатновчи Осиёдаги энг қимматбаҳо йўловчи поезди. Ҳинд қирол саройи нусхаси бўлиб, узоқ саёҳатларга мослаштирилган.
Ҳар бир йўловчига алоҳида хизматкор бириктирилган. Дастурга кўнгилочар машғулотлар, концертлар, экскурсия киритилган.
Чипта нархи 6840 доллардан бошланади.«Император Россияси» поезди
Москвадан Мўғулистон орқали Пекингача қатнайдиган шоҳона поезд. У ҳар бир йўналиш бўйича йилига фақат бир марта қатнайди. Поезд шоҳ оиласи саёҳат қилган вагон дизайни бўйича безатилгани учун шундай номланган.
Чипта нархи 4900 доллардан бошланади.«Тилла бургут» экспресси
Москва ва Пекин ҳамда Москва ва Владивосток орасида қатновчи дунёдаги энг қимматбаҳо сайёҳлик поезди. Пианино ва кутубхонаси бўлган алоҳида бар вагони мавжуд.
Чипта нархи 14 395 евродан бошланади.