«Championat.asia» нашри Ўзбекистон — Хитой ўйинига бўлган қизиқиш Ўзбекистон — Эрон ўйинига бўлган қизиқишга қараганда пастроқ бўлаётганини маълум қилди. Бунда нашр «Бунёдкор» стадиони кассаларида юзага келган навбатга эътибор қаратган.
Эрон билан ўйиндан олдин стадион кассаси олдига яқинлашиб бўлмаётган эди. Бугун эса ўйинга қизиқиш жуда пасайиб кетганига гувоҳи бўлдик. Кассалар олдида одамлар жуда кам. Олдинги баҳслардан олдин бир инсон чипта олиш учун тахминан 2 соат навбатда турган бўлса, бугун 15—20 дақиқада чипта олиб кетилмоқда. Одамларда негадир Хитой билан ўйинга қизиқиш камдек, деб ёзди нашр.
Хабарда касса олдида доимгидек олиб сотарлар ишлаётгани, улар ўтган-кетганга чипта таклиф қилаётгани айтилган. Нархлар ҳам олдингидек «осмон» эмас, деб хулоса берилган.
Изоҳ (0)