ЖЧ—2018. Криштиану Роналдудан покер, Голландия, Франция ва Бельгия йирик ғалабаларга эришди (видео)

Футбол бўйича 2018 йил Россияда бўлиб ўтадиган Жаҳон Чемпионати учун кураш олиб бораётган Европа мамлакатлари саралашнинг 2-турида давом этди. 7 октябрь куни «А», «B» ва «H» гуруҳларида 2-тур беллашувларига якун ясалди.

Саралашнинг биринчи гуруҳида иштирок этаётган Голландия терма жамоаси 2-турдан кейин 4 очко билан пешқадамга айланиб олди. Илк турда Швеция билан 1:1 ҳисобида дуранг ўйнаган нидерландиялик футболчилар, 2-турда йирик ғалабага эришди.

Дастлабки турни Беларусдаги дуранг билан бошлаган Евро—2016 финалчиси ҳисобланган Франция ҳам 2-турда йирик ғалабага эришди. Антуан Гризманн ва Дмитри Пайет биттадан гол урган ўйинда, Кевин Гамейро дубл қайд этди.

ЖЧ—2018 УЕФА саралаши. 2-тур 7 октябрь, жума

«А» гуруҳи

Голландия — Беларусь 4:1

Голлар: Квинси Промес, 15 (1:0). Квинси Промес, 31 (2:0). Алексей Риос, 47 (2:1). Деви Классен, 56 (3:1). Винсент Янссен, 64 (4:1).

Франция — Болгария 4:1

Голлар: Михаил Александров, 6-пен (0:1). Кевин Гамейро, 23 (1:1). Димитри Пайет, 26 (2:1). Антуан Гризманн, 38 (3:1). Кевин Гамейро, 59 (4:1).

Люксембург — Швеция 0:1

Гол: Микаэл Лустиг, 58 (0:1).Четлатиш: Кевин Малже, 82 (Л).

Саралашнинг «B» гуруҳида Швейцария терма жамоаси 6 очко билан пешқадам бўлиб турибди. Мусобақани Португалияни мағлуб этиш билан бошлаган мамлакат вакиллари, бу сафар 90-дақиқада урилган гол эвазига 3 очкони қўлга киритди.

Швейцарияга 0:2 ҳисобида имкониятни бой берган Европанинг амалдаги чемпиони Португалия 2-турда йирик ғалабани қўлга киритди. Криштиану Роналду покер қайд этган беллашувда Андорра ўз дарвозасидан 6 та гол ўтказиб юборди. Роналду 2-турдан кейин саралашда энг кўп гол урган футболчи бўлиб турибди.

ЖЧ—2018УЕФА саралаши. 2-тур7 октябрь, жума

«B» гуруҳи

Венгрия — Швейцария 2:3

Голлар: Харис Сеферович, 51 (0:1). Адам Солои, 53 (1:1). Рикардо Родригес, 67 (1:2). Адам Солои, 72 (2:2). Валентин Штокер, 90 (2:3).

Португалия — Андорра 6:0

Голлар: Криштиану Роналду, 2 (1:0). Криштиану Роналду, 4 (2:0). Жоау Канселу, 44 (3:0). Криштиану Роналду, 47 (4:0). Криштиану Роналду, 68 (5:0). Андре Силва, 86 (6:0).Четлатишлар: Хорди Рубио, 62 (А). Марк Ребес, 71 (А).

Латвия — Фарер 0:2

Голлар: Рагнар Наттестад, 19 (0:1). Йохан Эдмундсон, 70 (0:2).

«H» гуруҳида бельгиялик футболчилар ҳеч кимга имконият қолдираётгани йўқ. Дастлабки турда Кипр дарвозасига жавобсиз 3 та гол урган Бельгия, бу сафар Босния постига 4 бор йўл топишнинг уддасидан чиқди.

ЖЧ—2018УЕФА саралаши. 2-тур7 октябрь, жума

«H» гуруҳи

Бельгия — Босния 4:0

Голлар: Эмир Спахич, 26-авт (1:0). Эден Азар, 29 (2:0). Тоби Алдервейрелд, 60 (3:0). Ромелу Лукаку, 79 (4:0).

Греция — Кипр 2:0

Голлар: Костас Митроглу, 12 (1:0). Петрос Манталос, 42 (2:0).

Эстония — Гибралтар 4:0

Голлар: Маттиас Кяйт, 47 (1:0). Константин Василев, 52 (2:0). Маттиас Кяйт, 70 (3:0). Сергей Мошников, 88 (4:0).